Dowladda Galmudug ayaa gacan iyo taageero la’aan waxa ey ku guulaysatay in dib-u-dhis ku sameeyso guud ahaan haykalkii dawlaladeed ee looga baahnaa iyo adeegyado-bulsheedyadii dagaalada ee dagaalkii Sokeeye burburiyeen.

Waxaa ka hana-qaaday habab waxbarasho iyo ganacsi oo iskood u koray. Waxaa cid kastaaba ka mano-sheegataa xasiloonida iyo nabad-gelyada ka jirta Galmudug, oo ah hantida keliya ee Bulsho-weynta reer Galmudug ku laab-qabawsato kuna degan tahay, isla markaana hal-ku-dhig u ah.

Waa wadan ay ka jirto isku xidhnaan, wada-noolaasho, walaaltinimo, beni’aadannimo, isku tiirsanaan iyo wax wada-qabsi. Taas oo door iyo kaalin lama qiyaasaan ah kaga jirta hab-nololeedka, hab-dhaqanka iyo jiritaanka Ummada reer Galmudug.

Waana gallad ay dheer yihiin guud ahaan qoomiyadaha kala gedisan ee Caalamka ka jira.

Waa dad Islaamnimadu u suurta-gelisay in ay u adkaystaan una dul-qaataan cidhiidhiga iyo caqabadaha nololeed ee ku gedaaman, isla markaana u adkaystaan turxaanta iyo turaanturooyinka hagar-daamada ku ah geedi-socodkooda nololeed.

Sidaas oo ay tahay, waxaa muddoyinkan dambe soo ifbaxayay dhibaatooyinka six un u halakeeyey una waxyeelay, isla markaana Dowladda dadkaba ba halista ku ah, kuwaas oo ay safka hore kaga jiraan dhaqaalaha wadanka ee maalinba maalinta ka damabaysa hoos u sii dhacaya iyo nidaamkii siyaasadeed ee Dowladda lagu hogaaminayey oo dhex muquuratay khal-khal iyo jahawareer xoogan.

Xisbiga Midnimada Mudug

Halkaan Guji - Warqadda 1aad - Warqadda 2 iyo 3aad