Wasiiro iyo xildhibaano ka tirsan dowladda KMG oo ka soo jeeda gobolka Hiiraan oo cambaareeyay qaraxii lagu dilay Cumar Xaashi Aadan.
Posted: 6/19/2009 4:13:00 PM
Shabelle: MUQDISHO

Xildhibaano iyo Wasiiro ka tirsan dowladda KMG Soomaaliya gaar ahaan kuwa ka soo jeeda gobolka Hiiraan oo kulan ku yeeshay Magaalada Muqdisho ayaa waxaa ay si kulul u cambaareeyeen falkii Lagu dilay Wasiirka Amniga Qaran iyo Masuuliyiintii kale ee ka soo jeeday gobolkaasi ee halkaasi ku geriyooday.

Max’uud Cabdi Ibraahim (Garweyne) oo ah Wasiirka Bini’aadanimada dowladda KMG Soomaaliya oo u hadlayay Xildhibaanada iyo wasiirada ka soo jeeda gobolka Hiiraan ayaa waxaa uu sheegay in kulanka ay yeesheen masuuliyiintaasi ay ku cambareeyeen qaraxihii dhimashada badnaa ee shalay lagu dilay Wasiirkii Amniga qaranka dowladda KMG Soomaaliya Cumar Xaashi Aadan iyo C/kariin Laqanyo oo horay u aha safiirkii Ethiopia u fadhiyay Soomaaliya.

Waxaa uu shegay in ay tacsi u dirayaan dhamaan dadkii ay ka geeriyooden dadkii ku nafwaayay qaraxii ka dhacay hoteelka Madiina ee magaalada Baladweyne ee xarunta gobolka Hiiraan.

Cambaareynta wasiirada iyo xildhibaanada ka soo jeeda gobolka Hiiraan ayaa waxaa uu imaanaya kadib markii gaari waxyaabaha qarxa laga soo buuxiyay uu shalay isku qarxiyay hoteel ay ku sugnaayeen masuuliyiin ka tirsan dowladda kMG Soomaaliya taasoo sababtay geerida wasiirkii Amniga Qaran Cumar Xaashi Aadan iyo C/kiriin Faarax Laqanyo.

Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.