Cabdi Qeybdiid oo loo doortay Guddoomiyaha Guddiga Dastuurka Labada Aqal

Cabdi Qeybdiid oo loo doortay Guddoomiyaha Guddiga Dastuurka Labada Aqal

August 07 (Jowhar)— Senator Cabdi Xasan Cawaale (Qeybdiid) ayaa maanta loo doortay Guddoomiyaha Guddiga Dastuurka ee Labada Aqal ee Baarlamaanka Soomaaliya.

Doorasho goor dhow ka dhacday magaalada Muqdisho ayaa waxaa uu Cabdi Qeybdiid kaga adkaaday ninkii xilkan kula tartamayay ee C/raxmaan Faroole codod dhan 6-4.

Guddiga labada Aqal ee Dastuurka ayaa ka kooban 10 xubnood oo min shan xubnood uga socda Golaha shacabka iyo Golaha Aqalka Sare.

C/raxmaan Faroole ayaa olole weyn ugu jiray qabashada xilkan, waxaana dadka qaar u saadaalinayay inuu ku guuleysanayo, balse si lama filaan ayaa looga adkaaday.

Doorashada Guddoomiyaha Guddigan ayaa ah mid muhiim ah, marka loo eego Guddiyada kale ee dowladda.

warbixin kooban

Xubnaha Guddiga dib u eegista Dastuurka ee ka kooban labada Gole ayaa la filayaaa in maanta ay doortaan Guddoomiye cusub,waxaana xubnaha oo toban gaaraya ay ka kala tirsanyihiin Golaha shacabka iyo Xubnaha aqalka sare.

Xubnaha oo kulan yeelanaya ayaa waxaa ay kala dooran doonaan Musharrixiin labo ah oo isu soo sharraxay xilka Guddoomiyaha guddiga dib u eegista dastuurka ee labada Gole.

Labada xubnood ee tartamaya ayaa kala ah Cabdi Xasan Cawaale Qeybdiid iyo C/Raxmaan Maxamed Maxamuud Faroole,labada Nin waxaa ay horay u soo noqdeen Madaxweynayaasha Maamullada Galmudug iyo Puntland sida ay u kala horreeyaan.

Tartankan waxaa uu yahay mid aad u xiisa badan,waxaana labada Musharrax oo loo arko in ay yihiin labo Nin oo saameyn ku leh xubnaha aqalka sare dhexdooda ay ku tartamayaan Guddoomiyaha Guddiga dib u eegista Dastuurka ee Labada Gole.

Xubnaha shanta ah ee Golaha aqalka sare ay ku leeyihiin Guddiga dib u eegista Dastuurka ayaa kala ah:

  1. Sen. Cabdiraxmaan Maxamed Maxamud-Faroole

  2. Sen. Cabdi Xasan Cawaale Qeydiid: 38

  3. Sen. Xuseen Sheekh Maxamud

  4. Sen. Cabdikarim Maxamed Xasan: 27

  5. Sen. Iftin Xasan Iman.

Sidoo kale Xubnaha shanta ah ee Golaha shacabka ay ku leeyihiin guddiga dibu eegista Dastuurka ee labada Gole ayaa kal ah.

1-Cismaan Xaaji Cali

2-Maxamwd Cabdillahi Kaamil

3-C/Rashiid M.Xasan

4-Burhaan Aadan Cumar

5-Axmed Abdul Ruush.

8; ka mid ah tobankaas ayaa u codeyn doona Guddoomiyaha Guddiga dib u eegista Dastuurka ee Labada Gole,waxaana tarmaya labada soo hartay oo kala ah Faroole iyo Qeybdiid.