Madaxweynaha Galmudug oo sheegay in la sii wadi doono howlgallada ka dhanka...

Madaxweynaha Galmudug oo sheegay in la sii wadi doono howlgallada ka dhanka ah Al-Shabaab “SAWIRRO”

Madaxweynaha Dowlad Gobaleedka Galmudug C.kariim Xuseen Guuleed oo ay wehliyaan Masuuliyiin ka tirsan Maamulkiisa ayaa maalin kahor booqasho ku tegay deegaanada dhaca bariga gobalka Mudug, halkaas oo ay dagaal kula galeen ciidamada Galmudug maleeshiyada hubeeysan oo ka tirsan Kooxda Argagixisada ee Al-Shabaab.

110 Maxaabiis ah oo ajaanib ay ku jiraan ayey Ciidamadu gacanta ku soo dhigeen, waxaana maamulka Galmudug uu sheegay in dagaalkaasi la soo af-jaray, hase ahaatee uu socdo baadi goobka firxadka horjoogayaashii watay maleeshiyaadkan.

Madaxweynaha Dowlad goboleedka Galmudug ayaa tilmaamay in dagaalkii ka socday bariga Galmudug ay soo afjaraan, waxaana uu intaa ku daray inay jiraan kuwa firxad ah oo la baadi goobayo.

“Waxaan u mahadcelinayaa ciidamada amniga ee Galmudug, ee ku guuleystay inay soo afjaraan howlgalkii ka dhanka ahaa Al-Shabaab, ee ku dhuumaaleysanayay bariga Mudug, runtii howlgalada waa ay sii soconayaan” ayuu yiri Cabdikariin Guuleed oo hadalkiisa ku daray in dagaalka Al-Shabaab looga dilay 115 qof.

Mudane Cabdikariin Xuseen Guuleed iyo wafdiga la socday ayaa maanta dib ugu laabta magaalada Gaalkacyo ee xarunta gobolka Mudug.

SONA (1)SONA (20)SONA (21)SONA (22)SONA (23)SONA (24)SONA (25)SONA (26)SONA (27)SONA (28)SONA (31)SONA (32)SONA (33)SONA (34)SONA (35)SONA (36)SONA (37)SONA (38)SONA (39)

Sawir Qaade:- C/risaaq Maxamed Axmed Gaalkacyo